Aqmola oblysynda qaýipti hımııalyq qaldyqtardy jaqqan kásiporyn basshysy sottaldy
«Bıylǵy jylǵy maýsymnyń 7-sinde Zerendi aýdandyq soty Qylmystyq kodekstiń 345-babynyń 3-bóligi boıynsha «EKO-Garant» JShS-niń bas dırektory A.A.Temirovti kináli dep tanyp, 3 jyl bas bostandyǵynan aıyrý jazasy taǵaıyndaldy. Ol 2016-2019 jj. aralyǵynda quramynda tsıanıd bar qaýipti hımııalyq qaldyqtardy kómip, jaqqan. Bul qorshaǵan ortaǵa asa iri mólsherde zalal keltirýge ákelip soqtyrdy. Sot kásiporyndaǵy qorshaǵan ortanyń lastanýy appatty deńgeıde bolǵanyn anyqtady», - dedi Aqmola oblystyq prokýratýrasynyń baspasóz qyzmetinen.
Vedomstvodan atap ótkendeı, sot kásiporynnan qorshaǵan ortany qalpyna keltirý maqsatynda 150 mıllıon teńgeni óndirip alyndy. Sot úkimi zańdy kúshine engen joq.
Aıta ketsek, budan buryn sheteldik bedeldi jas ǵalym qorshaǵan orta boıynsha muǵalimderge zertteý kýrsyn ótkizip jatqanyn jazǵan bolatynbyz.
