Aqmola oblysynda qatty turmystyq qaldyq polıgondary salynady
KÓKShETAÝ. QazAqparat - Aqmola oblysynda qatty turmystyq qaldyqqa arnalǵan jańa polıgondary salynady. Oblysta 7 qatty turmystyq qaldyqtar polıgonyn salý úshin tehnıkalyq-ekonomıkalyq negizdeme ázirlendi, dep habarlaıdy QazAqparat tilshisi oblystyq ishki saıasat basqarmasyna silteme jasap.
«Búginde oblystyń alty aýdanynda 7 qatty turmystyq qaldyqtar polıgonynyń qurylysyn tehnıkalyq ekonomıkalyq negizdemesin ázirleý jumystary aıaqtaldy. Bul obektiler Şýchınsk, Aqkól qalalarynda, Jańaqorǵan jáne Arshaly kentterinde, Qosshy, Qoıandy jáne Zerendi aýyldarynda ornalasatyn bolady. Atalǵan polıgondarda suryptaý jelisi, sondaı – aq, organıkalyq, medıtsınalyq jáne qatty qaldyqtardy termııalyq kádege jaratýǵa arnalǵan zamanaýı jabdyqtar qarastyrylatyn bolady», - dep atap ótti oblystyq tabıǵı resýrstar jáne tabıǵat paıdalanýdy retteý basqarmasyndaǵylar.
2021 jylǵa Býrabaı aýdanynda kórsetilgen eldi mekenderdiń qatty turmystyq qaldyqtardyń polıgondaryn salýǵa jáne rekýltıvatsııalaýǵa jobalyq smetalyq qujattaryn ázirleý úshin bıýdjettik ótinimder berildi.
«Egindikól jáne Shortandy aýdandarynda qatty turmystyq qaldyqtar polıgondaryn salýǵa tehnıkalyq-ekonomıkalyq negizdemeni ázirleýge bıýdjettik ótinimder jiberildi.Kókshetaý qalasy boıynsha qoqys suryptaý pýnkti bar jańa polıgon salý boıynsha jumys jobasy ázirlendi. Qazirgi ýaqytta joba memlekettik saraptamadan ótýde», - dep tolyqtyrdy oblystyq vedomstvodan.
Aıta keteıik, bıyl oblys boıynsha 158 qoqys úıindisi joıyldy. Tártipti saqtamaǵan adamdar nazardan tys qalǵan joq. Polıtsııa qyzmetkerleri abattandyrý jáne sanıtarlyq normalardyń 625 buzýshylyǵyn anyqtady.
