Aqmola oblysynda qatty daýyl saldarynan 1 adam mert boldy
NUR-SULTAN. QazAqpart - Aqmola oblysynda qatty daýyl saldarynan 1 adam mert boldy. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat.
«7 sáýirde Aqmola oblysyna qarasty Býrabaı aýdanynyń Urymqaı aýylynda sekýndyna 28 metr jyldamdyqpen soqqan qatty jel saldarynan mashına saraıynyń shatyry julynyp ketti. Sonyń saldarynan 1980 jyly dúnıege kelgen kúzetshi jaraqat alyp, oqıǵa ornynda qaza tapty. Shatyrdyń aýmaǵy men salý úlgisi anyqtalyp jatyr», - dep atap ótedi vedomstvodan.
Osyǵan oraı Tótenshe jaǵdaılar komıteti óńir turǵyndaryna aýa raıynyń ózgeristerin jiti qadaǵalap, qaýipsizdik sharalaryn saqtaýdy eskertedi.Eske salsaq, Kókshetaýda qatty jelden tórt úıdiń shatyry julynyp, 10 aıaldama zaqymdanǵany týraly habarlaǵan bolatynbyz.