Aqmola oblysynda qasqyr atqan turǵyn ustaldy
KÓKShETAÝ. QazAqparat - Aqmola oblysynda jyrtqysh ań atýǵa moratorıı jarııalanǵanyna qaramastan er adam qasqyr atqan, dep habarlaıdy QazAqparat tilshisi oblystyq PD baspasóz qyzmetine silteme jasap.
«Stepnogorsk qalasynyń 57 jastaǵy turǵyny «Lesostepnoe» orman sharýashylyǵy aýmaǵynda qasqyr atqan. atalmysh oqıǵa QR QK 337-i baby boıynsha sotqa deıingi tergeýdiń biryńǵaı tizilimine alyndy», -dedi vedomstvodan.
Aıta ketsek, Qazaqstannyń biraqtar óńirlerinde qasqyr atýǵa moratorıı jarııalandy. Onyń ishinde Aqmola, Qaraǵandy, Qostanaı, Pavlodar jáne Batys Qazaqstan oblystary aýmaǵyndaǵy eldi mekenderde qasqyr tek úı janýarlaryna shabýyl jasasa ǵana atýǵa ruqsat etiledi.
6 qańtardan bastap, oblys aýmaǵynda «Brakoner» jedel aldyn alý sharasy júrip jatyr. Sonda beri tabıǵatty qorǵaý polıtsııasy tarapynan 140 ákimshilik jáne 5 qylmystyq is qozǵaldy.
Eske sala ketsek, 2020 jyly respýblıka boıynsha jalpy 4 824 qasqyr men 11 733 shıbóri atýǵa ruqsat berildi.
