Aqmola oblysynda kásiporyn keńsesin tonamaq bolǵan kúdiktiler ustaldy
KÓKShETAÝ. QazAqparat – Aqmola oblysynyń Egindikól aýdanynda «ASKOP» JShS-niń keńsesinen aqsha tonamaq bolǵan kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, kúdiktiler qazannyń 27-de «Quqyqtyq tártip» jedel aldyn alý sharasy kezinde qolǵa tústi.
«Jákibaev kóshesiniń boıynda ornalasqan «Askop» JShS-niń keńsesin tonaý kezinde buryn sotty bolǵan eki kúdikti ustaldy. Kúdiktiler ýaqytsha ustaý oqshaýlaǵyshyna qamalyp, ústerinen Qylmystyq kodekstiń 188 babynyń 4 bóligi 3 bólimshesi boıynsha sotqa deıingi tergeý amaldary júrgizilýde», - dedi vedomstvodan.
Atalmysh sanktsııa boıynsha kúdiktiler 5-ten 10 jylǵa deıin merzimge sottalýy múmkin.
