Aqmola oblysynda kásipkerlerge zańsyz habarlama jiberilgen
«Jarqaıyń aýdanynyń prokýratýrasy aýdandyq memlekettik kirister basqarmasy usynǵan habarlamalardy taldaý barysynda aýdan kásipkerlerine 24 zańsyz habarlama usyný deregin anyqtady. Bul kásipkerlerdiń barlyǵy kásipkerlik qyzmetin 2022 jyly bastady, al salyq organy 2021 jylǵy kezeńge salyq eseptiligin usynbaý týraly habarlama shyǵardy», - dedi Aqmola oblystyq prokýratýrasynyń baspasóz qyzmetinen.
Vedomstvodan atap ótkendeı, habarlamalar oryndalmaǵan jaǵdaıda Salyq kodeksinde ony oryndatýdyń májbúrleý sharalary kózdelgen, ıaǵnı kásipkerlerge qatysty shekteý sıpatyndaǵy sharalar qoldanylady. Kásipkerlerdiń atyna habarlamalardy zańsyz usyný olardyń qyzmetine ýákiletti organnyń negizsiz aralasýyna ákep soqty.
«Osyǵan baılanysty, prokýratýra aýdannyń salyq organynyń atyna qadaǵalaý aktisin engizdi, ony qaraý nátıjeleri boıynsha zańsyz shyǵarylǵan habarlamalardyń kúshi joıyldy», - dep tolyqtyrdy vedomstvodan.
Aıta ketsek, Aqmola oblysynda ósimdikter karantıni jónindegi ınspektor jalǵan sertıfıkattar bergen bolatyn.
