Aqmola oblysynda kásipkerlerdiń múddesin qorǵaıtyn memorandýmǵa qol qoıyldy
Kezdesýde departament basshysy Murat Tóleýbaev bıznes-qaýymdastyq ókilderine senim men ózara yntymaqtastyq úshin alǵysyn bildirdi, sondaı-aq olardyń bıznesin sheneýnikter tarapynan kez kelgen qysymnan qorǵaýǵa barynsha járdemdesetinin aıtty.
«Departament bizdiń óńirde ınvestıtsııalyq jobany júzege asyrýdyń kez kelgen satysynda sybaılas jemqorlyqqa qarsy tolyq qoldaý kórsetýge jáne sizdiń zańdy quqyqtaryńyzdy tıimdi qorǵaýǵa daıyn. Óz kezeginde, bıznesmen men ınvestorlar bıznesin durys júrgizýden jáne sheneýnikterdi paraǵa satyp alýdan bas tartýy tıis», - dep atap ótti Murat Tóleýbaev.
Aıta ketý kerek, budan buryn joba aıasynda departament «Kókshetaý mıneraldy sýlary» AQ, «Tynys» AQ, «Asyl Arman» JShS, «Kamaz Injınırıng» AQ, «Bıjan» JShS, «Namys» JShS, «Kókshetaý avtobýs parki» JShS, «Nátıje» sút fabrıkasy» JShS, «Vıchchı» JShS, «Safdı» JShS, «Probıld» JShS, «ST Jılstroı» JShS sııaqty kásiporyndarmen jalpy somasy 1,1 trln teńgeden astam 28 kelisimge qol qoıdy.
Endi sybaılas jemqorlyqqa qarsy súıemeldeýmen qamtylǵandar qataryna «Aıdabol Kókshe» JShS, «Natýr prodýkt» JShS, «Vostok Motors» JShS kásiporyndarynyń ınvestıtsııalyq jobalary qosyldy, olardyń basshylyǵy ákimshilik kedergilerdiń aldyn alýǵa jáne oblysta oń iskerlik ahýal qurýǵa úmit bildirdi.
Barlyq qyzyqtyrǵan máseleler men ózara tıimdi yntymaqtastyq jónindegi aldaǵy josparlardy qarap jáne talqylaı kele, kezdesýge qatysýshylar birlesken qyzmet týraly negizgi erejeler, sondaı-aq taraptardyń quqyqtary men mindettemeleri kórinis tapqan bıznesti sybaılas jemqorlyqqa qarsy alyp júrý týraly kelisimderge qol qoıdy.
«Protecting Business and Investments» jobasynyń maqsaty - bul qolaıly ınvestıtsııalyq klımat qurý jáne memlekettik bılik ınstıtýttaryna bıznes pen ınvestorlardyń senimin arttyrý, elimizdegi kásipkerlerdi qoldaý.
