Aqmola oblysynda kásipker iz-túzsiz joǵalyp ketti
KÓKShETAÝ. QazAqparat – Aqmola oblysynda iz-túzsiz joǵalǵan 37 jastaǵy kásipkerge izdeý jarııalandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, mamyrdyń 25-inde Kókshetaý qalalyq PB kezekshilik bólimine jergilikti turǵyn, 32 jastaǵy áıel habarlasyp, kúıeýin izdep tabýǵa kómek suraǵan. Aıtýynsha, kúıeýi 37-i jastaǵy Rýslan Serikuly Imandınov mamyrdyń 25-inde saǵat 13:00 shamasynda «Toyota Estima Lucida» kóligimen Şýche qalasyna jumystarymen ketken. Sodan beri onyń qaıda júrgeni belgisiz.
«Tártip saqshylaryna er adamnyń jeke kásipkerlikpen aınalysatyny ǵana belgili. Áıeli aldymen ózi kúıeýin izdep kórdi, odan nátıje shyqpaǵan soń polıtsııaǵa habarlasty», - deıdi vedomstvodan.
Rýslannyń boıy 170-180 sm. Dene bitimi ortasha, basy taqyr. Ústine sur tústi shorty, qara fýtbolka, aıaǵyna qara krassovka kıgen. Ony izdeýge PD jeke quramy tartylyp, tanystary men týystary, kórshileri jáne kýágerlerinen surastyrýda. Polıtsııa qyzmetkerleri Rýslannyń júrgen jerine qatysty qandaı da bir málimet biletin adamdar bolsa, «102» arnaıy jelisine habarlasýyn suraıdy.
