Aqmola oblysynda kásibı sheberlegimen kózge túsken qutqarýshylar marapattaldy

KÓKShETAÝ. QazAqparat - QR Tuńǵysh Prezıdenti kúnine oraı Aqmola oblysynda órt jáne ózge de tótenshe jaǵdaılar kezinde adamdardy qutqaryp erligimen jáne qyzmette kásibı sheberlegimen kózge túsken bir top qutqarýshylar túrli deńgeıdegi nagradalarmen marapattaldy, dep habarlaıdy QazAqparat tilshisi oblystyq TJD baspasóz qyzmetine silteme jasap.

Vedomstvonyń málimetinshe, oblystyq TJD bir top qyzmetkeri basshylyq quramnan arnaıy ataqqa ıe boldy. Olardyń arasynda Aqmola oblystyq TJD órt sóndirý jáne apatty-qutqarý jumystary qyzmeti №23 órt sóndirý bóliminiń basshysy Sapar Qızaqovke «azamattyq qorǵaý polkovnıgi» ataǵy berilse, Jaqsy aýdanynyń tótenshe jaǵdaılar bóliminiń bastyǵy, azamattyq qorǵaý podpolkovnıgi Manat Begalın «Tótenshe jaǵdaılardyń aldyn alýda jáne joıýda úzdik shyqqany úshin» medalimen marapattaldy.

Sonymen birge, Aqmola oblystyq TJD órt sóndirý jáne apatty-qutqarý jumystary qyzmeti №23 órt sóndirý bóliminiń komandıri Ermek Ysqaqov jáne TJD órt sóndirý jáne apatty-qutqarý jumystary qyzmetiniń bas qutqarýshysy Aleksandr Popov QR TJM gramotasyna, Aqmola oblystyq TJD órt sóndirý jáne apatty-qutqarý jumystary qyzmeti №7 mamandandyrylǵan órt sóndirý bóliminiń júrgizýshisi, azamattyq qorǵaý starshınasy Vladımır Hnykov Tótenshe jaǵdaılar mınıstriniń Alǵys hatyna ıe boldy.

TJD jeke quramyn Aqmola oblystyq TJD bastyǵy Alekseı Sovetov quttyqtady.

«QR Tuńǵysh Prezıdenti Nursultan Nazarbaev áleýmettik-ekonomıkalyq, saıası damýy qarqyndy, teńdesiz memleket modelin qurǵan búgingi zamannyń dańqty memleket jáne saıası qaıratkeri. Elbasynyń esimi álemdik deńgeıdegi saıasatker retinde tarıhtan oryn alady. Ol elimizdiń damýy men turaqtylyǵyn qamtamasyz ete aldy. Bizdiń búgingi maqsatymyz osy beıbitshilikti saqtap, azamattarymyzdyń tynyshtyǵyn saqtaý», - dep atap ótti Alekseı Sovetov.