Aqmola oblysynda qarjy pıramıdasynan zardap shekkender izdestirilýde
KÓKShETAÝ. QazAqparat-Kókshetaýda polıtseıler qarjy pıramıdasyn ashqan 31 jastaǵy jergilikti turǵynnyń ústinen qozǵalǵan qylmystyq isti tergeýde, dep habarlaıdy QazAqparat tilshisi.
Qarjy pıramıdasy sanalatyn «Bayared» jeke kəsipkerligi Kókshetaý qalasy, Gorvetka kóshesi 1 mekenjaıy boıynsha ornalasqan.
Eske sala keteıik, osyǵan deıin habarlaǵanymyzdaı, Kókshetaý qalalyq ІІB tarapynan jergilikti jeke kásipkerdiń quryltaıshysy 31 jastaǵy kókshetaýlyqtyń ústinen QR QK 217-babynyń 2-bólimi boıynsha sotqa deıingi tergeý amaldary qolǵa alynǵan bolatyn. Alǵashynda oblys ortalyǵynyń 45 turǵyny polıtsııaǵa shaǵym túsirse, osy kúni onyń sany odan saıyn arta túsýde.
«Polıtseıler anyqtaǵandaı jeke kásipker jelilik marketıng sııaqty bir aıǵa jýyq ýaqyt jumys istegen. Quryltaıshy Kókshetaý qalasynyń turǵyndaryn joǵary dıvıdentke sendirip, aqshalaryn alyp otyrǵan. Turǵyndar 30 000 teńge aqsha salsa, 30 kún ótken soń salǵan aqshalary 3 esege kóbeıýge tıis bolatyn. Eger salymshy taǵy bir kisini ertip ákelse, onda oǵan ár adam úshin «bonýs» retinde 30 myń teńge kóleminde syıaqy tólenedi. Alaıda, zardap shegýshilerdiń aıtýynsha, JK ózin bankrot dep tanypty. Osynyń saldarynan turǵyndardyń salǵan aqshalary qaıtarylmaı qalǵan.
Qazirgi kezde arnaıy tergeý toby qurylyp, zardap shekkender men kýágerlerden túsinikteme alýda. Sondaı-aq, jeke kásipkerdiń qujattaryn zerttep, tekserýde», túsindirdi baspasóz qyzmetindegiler.
Polıtseıler «Bayared» kompanııasynan zardap shekkender bolsa, ІІD Tergeý basqarmasyna, Kókshetaý qalasy, Gorkıı kóshesi 35 «A» mekenjaıy boıynsha nemese 29-11-32, 29-10-72 telefony arqyly habarlasýdy suraıdy.
