Aqmola oblysynda qaryndasyn qutqaram dep 10 jasar bala ózenge sekirgen

KÓKShETAÝ. QazAqparat - Aqmola oblysynda oınap júrip, ózenge qulaǵan bir otbasynyń kámelettik jasqa tolmaǵan eki balasy qutqaryldy, dep habarlaıdy QazAqparat tilshisi.

Keleńsiz jaǵdaı búgin, mamyrdyń 9-ynda, Tselınograd aýdanynyń Aqmol aýylynda boldy. Oqıǵany Aqmola oblystyq TJD baspasóz qyzmeti rastady.

Anyqtalǵandaı, 10 jáne 6 jastaǵy aǵaly-qaryndasty eki bala ózende aqqýdy tamaqtandyryp júrgen. Osy kezde, qyz balanyń aıaǵy taıyp, abaısyzda sýǵa qulap ketedi. Ony qutqaram dep aǵasy da sýǵa sekiredi. Alaıda, ekeýi de sýdan shyǵa almady. Abyroı bolǵanda, sol mańnan ótip bara jatqan er adam olardy kórip qalyp, kómekke keledi. Dárigerlerdiń aıtýynsha, qazirgi kezde balalardyń jaǵdaıy turaqty.

Aıta ketsek, Býrabaıda tutanǵan órt Smart júıeniń kómegimen jyldam sóndirildi.