Aqmola oblysynda qarttarǵa qurmet kórsetildi

KÓKShETAÝ. QazAqparat - 1 qazan - Halyqaralyq qarttar kúni Aqmola oblysynda aǵa urpaqty qurmetteýge arnalǵan saltanatty shara ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Sharaǵa eńbek, memlekettik qyzmet, quqyq qorǵaý organdarynyń, sot júıesiniń ardagerleri, tyl eńbekkerleri, oblys aýdandarynyń ardagerler uıymdarynyń ókilderi qatysty.

Aımaq basshysy Ermek Marjyqpaev jıynǵa qatysýshylardy quttyqtap, alǵys bildirdi.

«Bıylǵy jyl bárimiz úshin aıtýly jyl. Biz elimizdiń 30 jyldaǵy damýynyń qorytyndysyn shyǵara otyryp, Táýelsizdik mereıtoıyn atap ótemiz. Osy kezeńde Qazaqstan eleýli tabystarǵa qol jetkizdi jáne búkil álemge tanymal boldy. Búgingi kúni Sizderdiń árqaısyńyz tıisti zeınet demalysnda bolsańyzdar qoǵamnyń, oblystyń jáne elimizdiń damýyna úlesip qosyp júrsizder», - dedi Ermek Marjyqpaev.

Aımaq basshysy, óz sózinde óńirdiń áleýmettik-ekonomıkalyq damý qorytyndylary men egde jastaǵy adamdardy áleýmettik qoldaý boıynsha qabyldanyp jatqan sharalar jaıynda habardar etti.

Búginde oblysta bes medıtsınalyq-áleýmettik mekemelerde qarttardy ońaltý úshin barlyq jaǵdaı jasalǵan, 2 myńnan astam qart azamattar úıde arnaýly qyzmettermen qamtylǵan.

Shıpajaı-kýrorttyq emdeýge 1500-den astam adam joldandy.

Shara aıasynda 30-dan astam eńbek ardageri men qoǵam qaıratkerleri oblys ákiminiń alǵys hatty jáne baǵaly syılyqtarmen marapattaldy.

Onyń qatarynda Aqmola oblysy ardagerler keńesiniń tóraǵasy Ǵosman Tóleǵul, Densaýlyq saqtaý salasynyń ardageri Bolat Janádilov, eńbek ardageri Zýra Shýataeva, Qazaqstannyń Halyq ártisi Jibek Baǵysova, Memlekettik qyzmet ardageri Galına Marchenkova sııaqty ardagerler bar.

Aıta keteıik, oblysta qarttar men múgedekterdi áleýmettik qoldaý aılyǵy aıasynda 25 myńnan astam azamatqa bıýdjet qarajaty esebinen jalpy somasy 170 mıllıon teńgege bir rettik materıaldyq qoldaý kórsetiledi.

Ardagerlerge qurmet kórsetý bir aı boıy óńirdiń barlyq menshik nysanyndaǵy mekemeleri men kásiporyndarynda ótedi.