Aqmola oblysynda qarly burqasyn bolmaıdy - Qazgıdromet
ASTANA. QazAqparat - Aqmola oblysynda qarly burqasyn bolmaıdy, dep habarlaıdy «Qazgıdromet» RMK.
Qazgıdromettiń Aqmola oblysy boıynsha fılıaly 11 qyrkúıekte dabyldy eskertý jarııalaǵan. Eskertýde mynalar kórsetilgen:
12 qyrkúıekte Aqmola oblysynda soltústik-batystan soǵatyn jeldiń kúshi túnde keı jerlerde 15-20 m/s, kúndiz basym bóliginde 15-20, ekpini 25 m/s kúsheıedi.
13 qyrkúıekte túnde Aqmola keı jerlerinde jaýyn-shashyn (kóbinese jańbyr, sońy dymqyl qarǵa ulasýy) kútiledi kútiledi.
Túnde 13-14 qyrkúıekte Aqmola oblysynyń keı jerlerinde 3 gradýsqa deıin úsik kútiledi. Keı jerlerde tuman túsýi yqtımal.
«Dabyldy eskertýdi qate qabyldaýshylar boldy. Aldaǵy túnde (13 qyrkúıekte) Aqmola oblysy aýmaǵynda qarly burqasyn boljanbaıdy», - dep habarlaıdy sınoptıkter.
Aýa raıy týraly naqty aqparatty Qazaqstannyń barlyq aımaqtary úshin táýlik boıy 8 (7172) 79-83-83 nómiri boıynsha nemese «Qazgıdromet» RMK saıtynan bilýge bolady.
