Aqmola oblysynda qarda batyp qalǵan 7 júk kóligi shyǵaryldy
KÓKShETAÝ. QazAqparat- Aýa raıynyń jaısyzdyǵyna baılanysty 600-ge jýyq avtokólikti aqmolalyq polıtseıler dittegen jerine jetkizdi. Qar qursaýynan jeti aýyr júk kóligi shyǵaryldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, naýryzdyń 4-inde Stepnogor qalalyq polıtsııa basqarmasyna Novosibir kóshesi boıyndaǵy qalanyń aınalma jolynda júk kólikterine kómek qajettigi týraly ótinish tústi. Oqıǵa ornyna quramynda polıtsııa aǵa leıtenanty Іlııas Ǵalıaqparov pen polıtsııa leıtenanty Ámirhan Aıtpaev bar «Boran-13» ekıpajy jiberildi.
«Qalyń qardyń saldarynan jeti júk kóligi jolda keptelip qaldy. Barlyq kólik quraldary Qazaqstannyń túrli oblystarynan «Sıbır» jáne «Svetofor» SÚ azyq-túlik, kıiletin zattar, turmystyq tehnıka sııaqty taýarlar tasymaldaǵany anyqtaldy. Polıtsııa qyzmetkerleri kólik quraldaryn qar qursaýynan qutqarý boıynsha kómek uıymdastyrdy. Polıtseıler birden osy ýchaskeni tazalaýǵa arnalǵan arnaıy tehnıkanyń shyǵýyn qamtamasyz etip, júk kólikterin súıreýge kómektesti», - dep atap ótti vedomstvodan.
Eske sala keteıik, 4 naýryzda oblystyń keıbir avtojoldarynda aýa raıynyń kúrt ózgerýi saldarynan týyndaǵan kúrdeli jaǵdaı saqtaldy. Osyǵan baılanysty keıbir joldarda kólik qozǵalysyna tyıym salyndy. Óńir polıtsııasy aýa raıynyń nasharlaýyna baılanysty jol-kólik oqıǵalaryna jol bermeý boıynsha barlyq qajetti sharalardy qabyldady. Saǵat 12.00-den keshke deıin polıtseıler tas jolda jınalǵan avtokólikterge ilesip júretin tórt kolonna uıymdastyrdy. Patrýldik polıtsııa ekıpajdary 599 birlik avtokólikpen, onyń ishinde 421 jeńil avtokólikpen, sondaı-aq aýyr júk kólikterimen birge júrdi.
