Aqmola oblysynda qaraýsyz júrgen jylqylar jol apatyna sebepker boldy
KÓKShETAÝ. QazAqparat – Aqmola oblysynda qaraýsyz júrgen jylqylardyń joldyń ústine shyǵyp ketýi saldarynan jol apaty boldy, dep habarlaıdy QazAqparat tilshisi.
Oblystyq Polıtsııa departamenti baspasóz qyzmetiniń málimetinshe, bıylǵy jyldyń 27 naýryzynda saǵat 21:45 shamasynda «Kókshetaý-Rýzaevka» avtojolynyń 13 shaqyrymynda jol-kólik oqıǵasy oryn alǵan.
«Anyqtalǵandaı Kókshetaý qalasy baǵytynda júrip kele jatqan Zerendi aýdanynyń 19 jastaǵy turǵyny basqarǵan «Volkswagen Sharan» kóligi joldyń ústine shyǵyp ketken jylqyǵa soǵylǵan. Dál osyndaı jaǵdaı 29 naýryz kúni túngi saǵat 04:40 shamasynda «Kókshetaý-Atbasar» avtojolynyń 9 shaqyrymynda da oryn aldy. Bul joly Esil qalasynyń 33 jastaǵy turǵyny «GAZ 2705» kóligimen jolda jaıylyp júrgen jylqyny qaǵyp ketken. Qazirgi ýaqytta tártip saqshylary mal ıelerin anyqtaýda. Abyroı bolǵan jol-kólik oqıǵalarynan eshkim zardap shekken joq», - dedi vedomstvodan.
Osy rette, tártip saqshylary oblys turǵyndaryna úı janýarlaryn jaıý erejelerin saqtaýdy jáne olardyń avtojoldarǵa shyǵyp ketpeýine jol bermeýdi suraıdy. Sondaı-aq, Ákimshilik quqyqbuzýshylyq týraly kodekstiń 408-babyna sáıkes úı janýarlaryn jaıý erejelerin buzý eskertý jasaýǵa nemese 3 aılyq eseptik kórsetkish mólsherinde aıyppul salýǵa ákep soǵatynyn, jeke tulǵalardyń densaýlyǵyna nemese múlkine zııan keltirýge ákep soqqan dál sol áreketter 10 aılyq eseptik kórsetkish mólsherinde aıyppul salýǵa jazalanatynyn eske salady.
