Aqmola oblysynda karantındik shekteýlerdi kúsheıtý týraly qaýlyǵy ózgerister engizildi

KÓKShETAÝ. QazAqparat - Aqmola oblysynyń Bas memlekettik sanıtarlyq dárigeriniń oblys aýmaǵynda karantındik shekteýlerdi kúsheıtý týraly 2020 jylǵy 10 qarashadaǵy №170-qaýlysyna ózgerister men tolyqtyrýlar engizildi, dep habarlaıdy QazAqparat tilshisi oblystyq taýarlar men qyzmetterdiń sapasy jáne qaýipsizdigin baqylaý departamentiniń baspasóz qyzmetine silteme jasap.

Qaýlydaǵy ózgerister men tolyqtyrýlar boıynsha:

– azyq – túlik dúkenderiniń jumys tártibin saǵat 07.00–den 20.00-ge deıin shekteledi,

– qoǵamdyq kóliktiń (qarbalas sátte avtobýstar sanynyń artýy, kondýktordyń bolýy, sońǵy aıaldamada dezınfektsııalyq quraldarmen óńdeý, barlyq esikterdiń ashylýy, otyratyn oryn sany boıynsha tolyqtyrylýy) jumys rejımi jumys kúnderi saǵat 07.00-den 20.00-ge deıin, senbi kúnderi saǵat 07:00-den 10.00-ge deıin jáne 17.00-den 20.00-ge deıin ruqsat beriledi. Jeksenbi jáne mereke kúnderi qoǵamdyq kólikterdiń jumysy toqtatylady.

Aıta keteıik, 2020 jylǵy 10 qarashada Aqmola oblysynyń Bas memlekettik sanıtarlyq dárigeriniń oblys aýmaǵynda karantındik shekteýlerdi kúsheıtý týraly kezekti qaýlysy shyqqan bolatyn.