Aqmola oblysynda karantındik shekteýler jeńildetildi
Qaýlyǵa sáıkes, otbasylyq, estelik (banket, úılený toı, mereıtoı, duǵa) jáne kópshilik jınalatyn ózge de is-sharalardy qoǵamdyq tamaqtaný obektilerinde jáne úıde ótkizýge tyıym salyndy. Sonymen birge, oıyn-saýyq mekemeleri (túngi, oıyn klýbtar, jabyq úı-jaılardaǵy balalar oıyn alańdary, attraktsıon men batýt jáne taǵy basqalar), býkmeker keńseleri jáne eresekter men balalarǵa arnalǵan ózge de oıyn-saýyq, kalıan oryndary (onyń ishinde qoǵamdyq tamaqtaný obektilerindegi) qyzmetine, merekelik korporatıvterdi uıymdastyrý men ótkizýge, kórmeler ótkizýge, (ashyq aýada) marafon ótkizýge tyıym salyndy. Budan bólek, «Ashyq» jobasyna qatysatyn banket zaldarynda 50 adamnan asyrmaı toltyryp, as berýdi qospaǵanda, as berýge tyıym salyndy.
Al, 25 adamnan artyq emes mektepke deıingi balalar mekemeleriniń kezekshi toptarynyń qyzmetine, ashyq aýadaǵy attraktsıon qyzmetine de ruqsat berildi. Zaldardyń toltyrylýy 15 paıyzǵa deıin kórermenderdiń qatysýymen sport is-sharalaryn ótkizýge, toltyrylýy 75 paıyzǵa deıin, biraq 15 adamnan asyrmaı, júıeli júrmeıtin oblysaralyq (týrıstik tasymal) qozǵalysyna, toltyrylýy 75 paıyzǵa deıin, biraq 15 adamnan asyrmaı, júıeli júrmeıtin qalalyq (týrıstik tasymal) qozǵalysyna, qala mańyndaǵy jolaýshylar poezdary/elektr poıyzdarynyń, jalpy vagonsyz jolaýshylar poezdarynyń qozǵalysyna, toltyrylýy 50 paıyzǵa deıin balalar saýyqtyrý uıymdary qyzmetine ruqsat berildi.
«Sonymen birge, 30 adamǵa deıin mádenıet obektiler (repetıtsııa) qyzmetine, toltyrylýy 20 paıyzǵa deıin kınoteatr, teatr, kontsert zaldary, fılarmonııa qyzmetterine ruqsat berildi. Al, meshitter, pravoslavıe shirkeýleri jáne basqa da dinı obektiler aýmaǵynda ujymdyq dinı is-sharalardy, onyń ishinde «juma namazy», kúndelikti pravoslavıelik duǵalar jáne basqalaryn, ashyq aýada ótkizý maska rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady», - delingen qaýylda.
Sondaı-aq, gúlder dúkeni, fotosalon, kitaphana, murajaı qyzmetine, kelýshiler sanyn 30 paıyzdan asyrmaı jáne bir kelýshige 4 sharshy metrden saǵat 23-ge deıin jumys rejımimen saýda oıyn-saýyq ortalyqtary, saýda úıleriniń, saýda ortalyqtary qyzmetine ruqsat berilip otyr. Kópshilik jınalatyn saltanatty, otbasylyq, estelik, ujymdyq jáne basqa da is-sharalardy ótkizbeı, ústel arasyndaǵy qashyqtyq 2 metrden kem emes jáne kelýshiler arasynda 1 metrden kem emes qashyqtyqty saqtaǵan jaǵdaıda qoǵamdyq tamaqtandyrý obektileri qyzmetine ruqsat berilsin.
«Jalpy bilim berý mektepteri jumysyna qoıylatyn talaptar saqtalǵan jaǵdaıda synypta 15 adamnan artyq emes jazǵy mektepter qyzmetine, kolledj ben joǵary oqý oryndary I kýrs stýdentteri úshin praktıkalyq sabaqtar ótkizýge, arnaıy, mamandandyrylǵan uıymdardyń, erekshe bilim berý qajettiligi bar balalarǵa arnalǵan arnaıy mektep-ınternat (onyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy úlgidegi mektep-ınternat, daryndy balalarǵa arnalǵan mektep-ınternat qyzmetine, betperde rejımin jáne keminde 2 metr qashyqtyqty saqtaı otyryp, 15 adamnan artyq emes jeke jáne uıymdasqan toptar úshin erekshe qorǵalatyn tabıǵı aýmaqtarǵa (memlekettik ulttyq tabıǵı park, qoryq, rezervat jáne t.b.) barýǵa ruqsat beriledi», dep kórsetilgen jańa qaýlyda.
Qaýly 2021 jylǵy 12 maýsymda saǵat 00:00-den bastap kúshine enedi.
