Aqmola oblysynda karantındi jeńildetý týraly qaýlynyń sebebi túsindirildi
Aqmola oblysynda 2022 jylǵy 28 qańtarda óńirdegi karantındik sharalardy jeńildetý týraly №4 jańa qaýly, al 31 qańtarda – eleýsiz túzetýler engizgen №5 qaýly shyqty. Jańa qaýlyǵa sáıkes, Ashyq jobasyna qatysatyn obektiler úshin epıdemıologııalyq qater aımaǵyna («jasyl», «sary», «qyzyl») qaramastan, personal men kelýshilerdiń qaýipsiz «jasyl» mártebesi boıynsha jumys isteıtin obektiler úshin shekteýler alynyp tastaldy.
«Bul saltanatty, estelik, oıyn-saýyq, sporttyq is-sharalar, kórmeler, konferentsııalar, forýmdar ótkizý, sport keshenderiniń, saýyqtyrý jáne dinı obektilerdiń, oıyn - saýyq obektileriniń (oıyn klýbtary, kazıno, túngi klýbtar jáne karaoke), SOO, saýda jelileriniń (saýda alańy 1000 sharshy metrden asatyn azyq-túlik emes jáne saýda alańy 6000 sharshy metrden asatyn azyq-túlik emes), basseınderdiń, fıtnes-ortalyqtardyń, ıoga-ortalyqtardyń, oıyn jáne túngi klýbtardyń qyzmeti», - dep túsindirdi A.Mýsına.
Kelýshilerdiń «qyzyl» aımaqtaǵy epıdemıologııalyq jaǵdaıdy baǵalaý matrıtsasyna sáıkes keletin Aqmola oblysynyń qalalary men aýdandarynda beıtarap «kók» nemese qaýipsiz «jasyl» mártebesi bolǵan jaǵdaıda, Ashyq qatysýshylarynyń qyzmeti shekteýlermen, biraq karantındik shekteýlerdiń tolymdylyǵyn arttyrý jaǵyna qaraı jeńildetilýi kózdelgen.
«Osylaısha, epıdemıologııalyq táýekel aımaǵyna qaramastan, beıtarap «kók» mártebesi bolǵan kezde oblysaralyq, oblysishilik, qalalyq (turaqty jáne turaqty emes) tasymaldardy júzege asyratyn obektiler úshin, qonaq úıler, qonaq úıler, áýejaılar, temirjol, sý jáne avtovokzaldar, ózen jáne teńiz porttary, avtostantsııalar men jolaýshylarǵa qyzmet kórsetý pýnktteri, HQKO, «Qazposhta» AQ bólimsheleri, bankter, sulýlyq salondary, spa-ortalyqtar, jabyq bazarlar, ashanalar tıpi boıynsha qoǵamdyq tamaqtaný obektileri, mektepke deıingi jáne qosymsha bilim berý uıymdary úshin kirýge bolady. Sondaı - aq, saýnalar, monshalar, saýda alańy 1000 sharshy metrge deıingi saýda jelileriniń (azyq-túlik emes) qyzmetine shekteýler alynyp tastaldy, olarǵa da epıdemıologııalyq táýekel aımaǵyna qaramastan «kók» mártebesi bolǵan kezde kirýge», - dep qosty A.Mýsına.
Meıramhanalar men dámhanalar, eresekter men balalarǵa arnalǵan oıyn jáne oıyn-saýyq mekemeleri (bılıard, boýlıng, teatrlar, kınoteatrlar, kontsert zaldary, fılarmonııalar, tsırkter, okeanarıým, kompıýterlik jáne lotereıa klýbtary, býkmekerlik) tıpi boıynsha qoǵamdyq tamaqtaný obektileri úshin de shekteýler jeńildetildi. Olarda kelýshilerdiń beıtarap «kók» mártebesi bolǵan kezde «qyzyl» aımaqta tolýy 30-dan 60 paıyzǵa deıin artty. Toltyrý obektiniń jobalyq qýatyna baılanysty anyqtalady. Sondaı-aq uıym qyzmetkerleriniń 70 paıyzyn qashyqtyqtan jumys isteý formatyna aýystyrý bóliginde shekteýler saqtalýda.
«Aýrýdyń ósýine jol bermeý úshin maska rejımi, jeldetý, kvartstaý, áleýmettik qashyqtyq sııaqty karantındik sharalardy saqtaý qajet. Ruqsatqa qaramastan, kóp jınalatyn oryndarǵa barýdy shekteý kerek, otbasylyq is-sharalar men basqa da merekelerdi ótkizbeý kerek. Koronavırýstyq ınfektsııaǵa qarsy ekpe almaǵan adamdarǵa vaktsınatsııalaý qajet. Vaktsınatsııa alǵan adam aýrý jeńil, sımptomsyz eńseredi. Vaktsınatsııa koronavırýstyq ınfektsııanyń aldyn alýdyń eń tıimdi ádisi bolyp tabylady, revaktsınatsııa ımmýnıtetti arttyrady. Óz densaýlyǵyńyzǵa jáne aınalańyzdaǵylardyń densaýlyǵyna jaýapty bolýdy, óz betinshe emdelmeýdi jáne ýaqytyly medıtsınalyq kómekke júginýdi suraımyn», - dep túıindedi A.Mýsına.
