Aqmola oblysynda karantın sharalary kúsheıtildi
Óńirdiń bas memlekettik sanıtarlyq dárigeriniń qaýlysynda Ashyq jobasyna qatysýshylar úshin jumys ýaqyty saǵat 00:00-ge deıin, «kóshbasshylar» úshin 02:00-ge deıin qysqartyldy. Al jobaǵa qatyspaıtyn keıbir obektiler shekteý talaptaryn saqtap, 20:00-ge deıin jumys isteýine ruqsat etiledi.
Sondaı-aq, qujatta jeke jáne zańdy tulǵalarǵa mynadaı talaptar qoıylǵan:
1) QR BMSD-nyń № 38 qaýlyǵa № 4-qosymshaǵa sáıkes jeke qorǵanysh quraldaryn (bir ret jáne birneshe ret qoldanylatyn betperdelerdi) qoldaný jáne kádege jaratý algorıtmin jáne keminde 2 metr áleýmettik qashyqty saqtaýdy qamtamasyz etý;
2) QR BMSD-nyń № 56 qaýlysyn saqtaı otyryp, Ashyq jobasyna qatysatyn obektilerdi qospaǵanda, qoǵamdyq tamaqtaný obektilerinde, úıde, sonymen qatar ashyq aýada otbasylyq, as berý (banket, úılený toı, mereıtoı, duǵa) jáne kópshilik jınalatyn ózge de is-sharalardy ótkizýge tyıym salynsyn;
3) qoǵamdyq tamaqtaný obektilerinde jáne úıde (otbasylyq, estelik is-sharalary (banket, úılený toı, mereıtoı, merekelik korporatıv, lotereıa utys oıyny) uıymdastyrylǵan kópshilik jınalatyn is-sharalarǵa, sondaı-aq qyzmeti QR jáne Aqmola oblysy BMSD-niń qoldanystaǵy qaýlylarymen shektelgen obektilerge barýdan bas tartý usynylsyn;
4) áleýmettik qashyqty jáne jeke qorǵanysh quraldaryn (bir ret jáne birneshe retki betperde) qoldaný men kádege jaratýdy saqtaı otyryp, oıyn-saýyq oryndarsyz saıabaqtarǵa, alańdarǵa, skverlerge jáne ózge de demalys oryndaryna topta 3 adamnan artyq bolmaýy kerek nemese bir otbasy múshelerine barýǵa ruqsat berilsin;
Budan basqa, Ashyq jobasyna qatysatyn obektilerdi qospaǵanda, buqaralyq is-sharalardy (merekelik dinı, sport-buqaralyq, oıyn-saýyq mádenı-buqaralyq is-sharalardy, forýmdardy, konferentsııa jáne t.b.), otbasylyq is-sharalardy (banket, úılený toıy, mereıtoı, merekelik korporatıv) jáne adamdar kóp jınalatyn ózge de is-sharalardy, onyń ishinde úıde, sondaı-aq ashyq aýada ótkizýge tyıym salynady.
Sondaı-aq, Ashyq jobasyna qatysatyn obektilerdi qospaǵanda, qalaaralyq/oblysaralyq, turaqty avtobýstardyń (shaǵyn avtobýstardyń); oblysaralyq jáne qalalyq turaqty emes (týrıstik) tasymaldardyń qozǵalysy, mádenıet obektileriniń, kınoteatrlardyń, teatrlardyń, kontsert zaldarynyń, fılarmonııanyń, banket zaldarynyń, bılıard, boýlıng klýbtarynyń qyzmeti toqtatylady.
Qaýly 14 qańtardan bastap kúshine enedi.