Aqmola oblysynda karantın rejımin buzǵan qaraǵandylyq 3 táýlikke qamaldy
KÓKShETAÝ. QazAqparat – Aqmola oblysynda blokposttan zańsyz ótpek bolǵan 25 jastaǵy qaraǵandylyq ustaldy, dep habarlaıdy QazAqparat tilishisi oblystyq Polıtsııa departamentiniń baspasóz qyzmetine silteme jasap.
Vedomstvodan atap ótkendeı, aǵymdaǵy jyldyń 31-shi naýryzynan bastap Aqmola oblysynda koronavırýs pandemııasynyń taralýyna jol bermeý baǵytynda 51 blokpost qoıyldy. Soǵan qaramastan tártip saqshylary elorda mańyndaǵy eldi meken turǵyndarynyń karantındik rejımdi buzý faktilerin kún saıyn anyqtap jatyr.
Máselen, 2020 jylǵy sáýirdiń 8-de 10-shy blokbeketti aınalyp ótip, elorda men Qyzyljar aýylynyń arasyndaǵy qara jolmen júrgen Aqmola oblysynda turatyn Qaraǵandy qalasynyń 25 jastaǵy turǵyny ustaldy. Osylaısha, ol tótenshe jaǵdaı kezindegi karantındik rejımniń talabyn buzǵan.
«Tselınograd aýdandyq PB jergilikti polıtsııa qyzmetiniń qyzmetkerleri er adamnyń ústinen QR ÁQbK 476 baby boıynsha ákimshilik is qozǵady. Sot sheshimimen zań buzýshy 3 táýlikke qamaý túrinde ákimshilik jazaǵa tartyldy», - deıdi vedomstvodan.
