Aqmola oblysynda qaraqshylyqpen aınalysqan kúdikti ustaldy
KÓKShETAÝ. QazAqparat - Aqmola oblysynda qaraqshylyqpen aınalysty degen kúdikpen 30 jastaǵy astanalyq ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha qazirgi kezde kúdiktiniń 7 qaraqshylyq qylmysqa qatysy bary anyqtalyp otyr.
«Sońǵy birneshe aı boıy Tselınograd aýdanynyń ІІB Astana qalasynyń turǵyndarynan qaraqshylyq shabýyl oqıǵasy týraly týraly aryz túsken. Zardap shegýshilerdiń sózinshe, beıtanys er adam kúsh kórsetý arqyly qorqytyp, aqsha jáne uıaly telefondaryn tartyp alyp otyrǵan.
Kúdikti ustaý maqsatynda Tselınograd aýdanynyń ІІB qyzmetkerleri júrgizgen jedel izdestirý sharasy barysynda buryn sotty bolǵan Astana qalasynyń 30 jastaǵy turǵyny qolǵa tústi», dep kórsetilgen habarlamada.
Polıtseılerdiń aıtýynsha, kúdikti Astana qalasynda taksı toqtatyp, Ilınka aýylyna deıin jetkizip berýin ótinedi. Keıin dittegen jerine kelgen soń kólikti toqtatyp, júrgizýshini pyshaqpen qorqytady da jeke zattary men uıaly telefonyn alyp izin jaltyratady. Osylaısha, kúdiktiniń 7 qaraqshylyq qylmysqa qatysy bary anyqtalyp otyr.
Qazirgi kezde kúdikti ustalyp, ústinen QR QK 192 babynyń 2 bólimi boıynsha qylmystyq is qozǵaldy.
