Aqmola oblysynda qar qursaýynda qalǵan 67 adam qutqaryldy
Vedomstvonyń málimetinshe, aqtútek boran jáne ekpindi jelge baılanysty, aqpannyń 18-19 aralyǵynda Aqmola oblysy aýmaǵynda aýa raıy kúrt buzylyp, respýblıkalyq jáne oblystyq mańyzy bar joldardyń barlyq ýchaskelerinde kólik qozǵalysyna shekteý qoıyldy. Soǵan qaramastan, oblys turǵyndary borandy kúni jolǵa shyǵyp, qar qursaýynda qaldy. Qutqarýshylar jergilikti atqarýshy organdarmen jáne polıtsııamen birlesip adamdardy evakýatsııalaý jáne qutqarý jumystaryn júrgizdi.
«Negizgi avarııalyq-qutqarý jumystary Býrabaı aýdanynda Şýche qalasynyń mańynda júrgizildi, onda adamdar jylytý pýnktterine evakýatsııalandy. Jaqsy aýdanynda Podgornoe aýylynan júkti áıeldi evakýatsııalaý júrgizildi, ol aýdandyq aýrýhanaǵa jetkizildi. Sonymen qatar, «Şýche-Kókshetaý» tas jolynda qarǵa batyp qalǵan 65 jeńil avtokólik súırep shyǵaryldy», - dep habarlady Aqmola oblysy TJD bastyǵynyń orynbasary Qanat Dospaev.
Osy rette, qutqarýshylar oblys turǵyndaryna «112» arnaıy jelisi arqyly eskertý kelgende kezde eldi mekenderden tys jerlerge shyqpaýdy, sondaı-aq avtojoldarda kólik quraldarynyń keptelisin boldyrmaýdy suraıdy.