Aqmola oblysynda qar qursaýynan 1200-den astam kólik shyǵaryldy

KÓKShETAÝ. QaAqparat - Aqmola oblysynda qańtar aıynyń basynan beri boranda jolǵa shyqqan 1200-den astam avtokóliktiń polıtsııamen ilesip júrýine týra keldi, dep habarlaıdy QazAqparat tilshisi.

«Qańtardyń 4-de saǵat 12:00 keıin avtokólikterdiń kóptep jınalýyna baılanysty jergilikti polıtsııa qyzmeti basqarmasy patrýldik polıtsııa batalony men rotasynyń qyzmetkerleri jol-kólik oqıǵalaryn boldyrmaý maqsatynda 500-ge jýyq jeńil jáne 70-ke jýyq júk kólikterimen ilesip júrdi. Şýche qalasynan Astanaǵa bara jatqan 170-ke jýyq jeńil jáne Astana qalasynan Şýchınsk qalasyna kele jatqan 100 júk kóligi dittegen jerine aman-esen jetti. Sonymen birge Jibek joly kentinen Qaraǵandy oblysynyń shekarasyndaǵy Anar stantsııasyna deıin 270-ke jýyq kólik polıtsııa qyzmetkerleriniń kómegimen jolǵa shyqty. Al Anar stantsııasynan Astanaǵa deıin 160-qa jýyq avtokólikti, onyń ishinde 30 júk kóliginiń aman-esen jetýin qamtamasyz etti», - dedi polıtsııa departamenti.

Osy rette, borandy kúnderi óńirde respýblıkalyq jáne oblystyq baǵyttaǵy avtokólik joldarynda jol-kólik oqıǵasy men tótenshe jaǵdaılardy aldyn alý sharalaryna 93 polıtsııa qyzmetkeri men 56 patrýldik avtokólik jumyldyryldy.

Aıta ketsek, budan buryn Aqmola oblysynda jolda qalǵan 60-tan astam adam qutqarylǵanyn jazǵan edik.