Aqmola oblysynda qant baǵasy turaqty, al pııaz qymbattaýy múmkin
Oblystyq kásipkerlik jáne týrızm basqarmasynyń málimetinshe, jalpy, oblysta 2,1 myń tonna kóleminde taýar qory quryldy, onyń ishinde turaqtandyrý qorynda - 1247 tonna, «aınalym shemasy» boıynsha - 874 tonna.
Jyl basynan beri turaqtandyrý qorynyń resýrstarynan 329 mln teńgege 1074 tonna taýar satyldy. «Aınalym shemasy» boıynsha azyq-túlik taýarlarynyń 9 túri boıynsha 1,4 mlrd teńgege qaryzdar berildi. Jańa sharttar jasaý boıynsha jumystar júrgizilýde.
«Sońǵy birer aptada óńirde qyryqqabat pen kartop baǵasy tómendep, kúrish, aıran jáne pııaz baǵasy birshama óskeni baıqalady. Sol sebepti, baǵany turaqtandyrý úshin turaqtandyrý qoryna 272 tonna kúrish satyp alyndy, ol 29 saýda núktesinde satylady. «Aınalym shemasy» aıasynda «Gormolzavod» JShS-men lıtrine 318 teńge baǵamen 48 tonna aıran jetkizý jumystary júrgizilýde. Sondaı-aq, Tájikstan Respýblıkasy Úkimeti janyndaǵy Memmatrezerv tóraǵasymen jemis-kókónis ónimderin, onyń ishinde aı saıyn shamamen 400 tonna kóleminde pııaz jetkizý týraly ýaǵdalastyqqa qol jetkizildi, tájik ónimderiniń alǵashqy partııalary iske asyryldy. Kóptegen pozıtsııalar boıynsha baǵa aǵymdaǵy baǵalardan 20-30 paıyzǵa tómen. Oblys boıynsha operator anyqtaldy, áleýmettik kásipkerlik korporatsııasy áleýmettik dúkenderi men kóterme jetkizýshi arqyly ónimderdi satý jolǵa qoıyldy», - deıdi oblystyq kásipkerlik jáne týrızm basqarmasy basshysynyń orynbasary Jaslan Aıdrahmanov.
Al qant baǵasyna keletin bolsaq, qazirgi kezde óńirde kóterme baǵasy áleýmettik dúkenderde 430 teńgeni quraıdy.
«Kún saıyn Kókshetaý qalasyndaǵy dúkenderge 200-400 kg qant jetkiziledi. Memleket úshin bul aıtarlyqtaı úlken kólem. Keıbir dúkenderde tonnaǵa deıingi kólemde qant satylady. Kóterme baǵasy áleýmettik dúkenderde 430 teńge. Al, úı mańyndaǵy dúkenderde baǵalar 950 teńgege deıin barady. Túsindirme jumystarynan keıin bıznes sýbektileri qantqa arnalǵan saýda ústemesin 10-12 paıyzǵa deıin tómendetti. Belgilengen zańdar boıynsha baǵa ústemesin shamadan tys kótergen jaǵdaıda tıisti sharalar qabyldanatyn bolady», - dep túsindirdi Aqmola oblysynyń Saýda departamentiniń basshysy Qaıyrjan Ońǵarov.
Qazirgi tańda alańdatýshylyq týdyryp turǵan taǵy bir másele-pııaz. ıAǵnı, kórshiles elderde bul kókónis baǵasy bizdiń eldiń baǵasymen salystyrǵanda álde qaıda qymbat. Ózimizdiń memleketpen qatar, kórshilerimizdi de pııazben qamtamasyz etip otyrǵandyqtan qaýip bar kórinedi.
«Sol sebepti, qantpen bolǵan dúrbeleń qaıtalanbas úshin, halyqqa pııazdy asa kóp mólsherde satyp alý tıimsiz bolatynyn túsindirýdemiz. Sol kezde jaǵdaıdy birqalypty ustap tura alamyz», - dep tolyqtyrdy departament basshysy.
Aıta ketsek, budan buryn Aqmola oblysynda synama alynǵan 1550 ónimniń 7,5 paıyzy tehnıkalyq reglamentterge sáıkes kelmeıtini jazylǵan bolatyn.
