Aqmola oblysynda qandastarǵa arnalǵan agroqalashyq qurylysy bastaldy

NUR-SULTAN. QazAqparat - Dúnıejúzi qazaqtary qaýymdastyǵynyń bastamasymen usynylǵan Aqmola oblysy, Arshaly aýdanyndaǵy qandastarǵa arnalǵan agroqalashyq qurylysy bastaldy.

Úlken is bastalyp, alǵashqy úıdiń irgetasy qalandy, dep habarlaıdy QazAqparat «Otandastar» Telegram kanalyna silteme jasap.

Búgingi kúni geodezııalyq zertteýler negizinde jer telimderiniń shekaralary anyqtalyp, olardy naqtylaý jumystary júrgizildi, joldar men basqa da ınjenerlik jeliler salýǵa belgiler qoıyldy. Jer telimderi sheginde mejeleý jumystary qolǵa alyndy.

Úılerdiń qurylysy osy jyldyń 15 mamyrynda bastalady.

«Bizdiń aldyn ala esebimiz boıynsha, agroqalashyqtaǵy alǵashqy úıler bıyl kúzde boı kóteredi. Aǵaıynnyń qýanyshynde shek joq, neshe jyl asyǵa kútken áserli sát! Qýanysh qutty bolsyn aǵaıyn!».-delingen habarlamada.