Aqmola oblysynda kámeletke tolmaǵan qyz izdestirilýde
KÓKShETAÝ. QazAqparat – Aqmola oblysynda úıinen ketip qalǵan kámelettik jasqa tolmaǵan qyz izdestirilip jatyr, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2021 jylǵy aqpannyń 4-de Zerendi aýdandyq PB kezekshilik bólimine 35 jastaǵy jergilikti turǵyn habarlasyp, kámelettik jasqa tolmaǵan qyzy Anel Serikqyzy Nakendi izdeýge kómek surady. Áıeldiń sózinshe, onyń qyzy 2021 jylǵy aqpannyń 1-de saǵat 21:30 úıden ketip qalǵan, sodan beri onyń qaıda júrgeni belgisiz.
«Anyqtalǵandaı, Anel jergilikti kolledjderdiń birinde birinshi kýrsta oqıdy. Anasymen birge turady. Ol 2018 jyldan beri úıinen osymen 6 ret ketip qalyp otyr. Anasynyń aıtýynsha, bul joly bireý Anelge qońyraý shalǵan. Sodan ol úıinen belgisiz jaqqa shyǵyp ketken», - dedi vedomstvodan.
Joǵalǵan qyzdyń boıy 155-160 sm, dene bitimi juqalaý kelgen, shashy qara, beti sopaq, erni ortasha, qulaqtary jabysqan, murny tik, úlken, kózderi qońyr.
Erekshe belgiler: joǵarǵy erninde tyrtyǵy bar.
«Kámelettik jasqa tolmaǵan qyz balanyń turǵan jerin anyqtaý maqsatynda tártip saqshylary jedel-izdestirý is-sharalaryn júrgizdi, onyń barysynda barlyq tanys jáne jaqyn adamdardan jaýap alyndy. Júrgizilgen jedel-izdestirý is-sharalarynyń nátıjesinde qyzdyń qazir Nur-Sultan qalasynda ekeni belgili boldy», - dep tolyqtyrdy vedomstvodan.
Qazirgi kezde, tártip saqshylary onyń naqty júrgen jerin biletin azamattardan «102» arnaıy jelisine qońyraý shalýdy suraıdy.
