Aqmola oblysynda qalyń qarda jolda qalǵan 200-den astam adam evakýatsııalandy
KÓKShETAÝ. QazAqparat - Ótken táýlikte Aqmola oblysynyń avtojoldarynda omby qarda turyp qalǵan 150-den astam tehnıka men 200-den astam adam (onyń 15-i bala) evakýatsııalandy, jylytý pýnktterinde 36 adam ornalastyryldy, dep habarlaıdy QazAqparat tilshisi.
Naýryzdyń 5-de bolǵan aqtútek borannyń saldarynan oblys aýmaǵynda respýblıkalyq mańyzy bar joldardyń barlyq ýchaskelerinde kólik qozǵalysyna shekteý qoıyldy. Alaıda, soǵan qaramastan jolǵa shyǵyp ketken keıbir kólikter men jolaýshylar jolda qalyp, olardy qutqarý jumystary júrgizildi.
Aqmola oblystyq polıtsııa departamenti baspasóz qyzmetiniń málimetinshe, patrýldik polıtsııanyń 14 ekıpajy avtojoldarda qaýipsizdik maqsatynda 2000 birlik avtokólikten turatyn kolonnalardy, onyń ishinde 1500-ge jýyq jeńil avtokólikti, sondaı-aq 500-ge jýyq aýyr júk kóligin alyp júrdi. Bir táýlik ishinde polıtsııa qyzmetkerleri avtojoldarda qar qursaýynda qalǵan 150-den astam tehnıka men 200-den astam adamdy, onyń ishinde 15 balany evakýatsııalady. Jylytý pýnktterinde 36 adam ornalastyryldy.
Oblystyq polıtsııa departamenti bastyǵynyń nusqaýy boıynsha oblys aýmaǵynda jol qaýipsizdigin qamtamasyz etý úshin 180-nen astam qyzmetker jáne 100-ge jýyq qyzmettik avtokólik jumyldyrylyp, 80 mobıldi beket qoıyldy», - dep atap ótti vedomstvodan.
Óńirdiń TJD baspasóz qyzmetiniń habarlaýynsha, evakýatsııa Stepnogor qalasyndaǵy, sondaı-aq Astrahan, Býrabaı, Jarqaıyń, Aqkól, Atbasar, Ereımentaý jáne Shortandy aýdandaryndaǵy jylytý pýnktterine júrgizildi.
