Aqmola oblysynda qalaaralyq avtobýstar 10 baǵytta ǵana júredi

KÓKShETAÝ. QazAqparat – Karantın shekteýlerine baılanysty Aqmola oblysy aýmaǵynda qalaaralyq jáne oblysishilik avtobýs baǵyttary qysqartylyp, sanıtarlyq talaptar qatań saqtalǵan. Bul týraly óńirlik kommýnıkatsııalar qyzmetinde ótken brıfıngte Aqmola oblystyq jolaýshylar kóligi jáne avtomobıl joldary basqarmasy basshysynyń orynbasary Aleksandr Rýblevskıı aıtty, dep habarlaıdy QazAqparat tilshisi.

Onyń sózinshe, qazirgi kezde avtobýs arqyly qalaaralyq jáne oblysishilik jolaýshylar tasymaly 10 baǵytta júzege asyrylady.

ıAǵnı, Kókshetaý – Derjavınsk, Kókshetaý – Ulan, Kókshetaý – Esil (2 baǵyt), Kókshetaý – Atbasar, Kókshetaý – Stepnogor, Kókshetaý – Şýche – Makınsk, Kókshetaý – Kapıtonovka, Kókshetaý – Tastyózek, Kókshetaý – Eńbek, Kókshetaý – Astrahanka baǵytynda áleýmettik qashyqty saqtaı otyryp, jolaýshylardyń sanyna nazar aýdarylady.

«Jolaýshylar avtobýsqa otyratyn kezde birinshi kezekte maska bolýy tekseriledi. Júrgizýshi men jolaýshylar qoldaryn jýý úshin sanıtaızerler ornatylǵan. Reıske shyǵar aldynda jáne aıaqtalǵan kezde kóliktiń ishi dezınfektsııalanady. Qazirgi kezde, oblys ishinde jolaýshylar aǵyny ótken jyldyń sáıkes kezeńimen salystyrǵanda birshama azaıǵan. Salystyrmaly túrde alatyn bolsaq, byltyrǵy jyldyń osy kezeńinde Kókshetaý avtovokzalynan táýligine 500 adam jolǵa shyqsa, qazirgi kezde bul kórsetkish 50 adamdy nemese 10 paıyzdy qurap otyr», – dedi Aleksandr Rýblevskıı.

Sonymen birge, Aqmola oblystyq jolaýshylar kóligi jáne avtomobıl joldary basqarmasy basshysynyń orynbasary 5 qarashadan bastap Kókshetaý – Almaty, Kókshetaý – Aqtaý baǵytyndaǵy áýe reısteri toqtaǵanyn atap ótti.

Budan bólek, kúnara qatynaıtyn Kókshetaý – Qyzylorda poıyzy eki kúnde bir júretin boldy.