Aqmola oblysynda izdeýde júrgen qylmysker Reseıde ustaldy
KÓKShETAÝ. QazAqparat – Aqmola oblysynda izdeýde júrgen qylmyskerler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Kókshetaý qalalyq polıtsııa basqarmasy tarapynan Qylmystyq kodeksiniń 192-babynyń 2-bóligi «qaraqshylyq» boıynsha izdeýde júrgen qylmyskerlerdiń biri Omby qalasynyń áýejaıynda ustalyp, RF ÝMVD ýaqytsha ustaý ızolıatoryna qamaldy.
«Qylmysker 2019 jyldyń 10 qarashasynda Kókshetaý qalasyndaǵy saýda oryndarynyń birine sybaılasymen birge kirip, dúkenshige dene jaraqatyn salyp aqsha talap etken. Densaýlyǵy úshin qoryqqan dúkenshi olarǵa talap etken aqashasyn birgen. Keıin negizgi kúdikti kóp uzamaı ustaldy. Al onyń sybaılasy izin sýytty. Sot úkiminen keıin oǵan halyqaralyq izdeý jarııalandy», - deıdi vedomstvodan.
Іzdeýde júrgen ekinshi qylmyskerge Atbasar aýdandy PB tarapynan izdeý jarııalanǵan. 1980 jylǵy er adam da Qylmystyq kodeksiniń 192 babynyń 2 bóligi «qaraqshylyq» boıynsha sottalǵan. Ol 6 jyl jazasynyń 4 jylyn ótegen soń merziminen buryn bosatylǵan. Er adam tórt adamnan turatyn qylmystyq toptyń quramynda bolǵan. Atbasar aýdany jáne Kókshetaý qalasyndaǵy jalǵyz basty qarııalarǵa qaraqshylyq jasaǵan.
«Ol merziminen buryn bosatylǵan keıin, probatsııalyq baqylaýǵa ýaqtyly kelmegen. Jedel izdestirý barysynda onyń Soltústik Qazaqstan oblysy aýmaǵynda óz betimen qańǵyryp júrgeni anyqtaldy», - dep tolyqtyrdy vedomstvodan.
