Aqmola oblysynda izdeýde júrgen eki qylmysker qolǵa tústi
«Óńirde «Quqyqtyq tártip» jedel aldyn alý is-sharasyn ótkizý barysynda Býrabaı aýdandyq polıtsııa bóliminiń qyzmetkerleri Şýche qalasynyń aýmaǵynda QR QK 392-baby 1-bóligi «Qazaqstan Respýblıkasynyń Memlekettik shekarasyn qasaqana zańsyz kesip ótý» boıynsha Jambyl oblysy polıtsııa departamentiniń Merki aýdandyq polıtsııa bólimi izdestirip jatqan qylmyskerdi ustady. Qazirgi kezde ustalǵan adam qamaýǵa alyndy», - dedi Aqmola oblystyq Polıtsııa departamenti baspasóz qyzmetinen.
Sonymen qatar, Tselınograd aýdanynyń Krımınaldyq polıtsııa qyzmetkerleri Aqmol aýylynda QR QK 346-baby 5-bóligi «kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese osyndaı adamnyń kólik quralyn basqarýǵa jiberilýi» boıynsha izdestirilip jatqan qylmysker qolǵa tústi. Ol Nur-Sultan qalasynyń tergeý ızolıatoryna qamaldy.
Eske sala ketsek, bıylǵy jyldyń 15 qańtarynan bastap Aqmola oblysynyń aýmaǵynda «Quqyqtyq tártip» jedel aldyn alý sharasyn ótip jatyr.