Aqmola oblysynda izdeýde júrgen bozbala Astanadan tabyldy
KÓKShETAÝ. QazAqparat - Aqmola oblysynyń polıtseıleri izdeý jarııalaǵan 17 jastaǵy bozbala Astanadan tabyldy, dep habarlaıdy «QazAqparat» HAA tilshisi oblystyq ІІD-ge silteme jasap.
Eske sala keteıik, Vladımır Vıacheslavovıch Gerasımov aǵymdaǵy jyldyń 27 qarashasynda úıinen shyǵyp, qaıtyp oralmaǵan bolatyn. Osyǵan baılanysty 29 qarasha kúni balanyń anasy tarapynan Aqkól aýdandyq ІІB kezekshilik bólimine 17 jastaǵy ulynyń joǵalǵany týraly aryz tústi. Anasynyń aıtýynsha, balasy 27 qarashada úıinen shyǵyp, qaıtyp oralmaǵan.
«Polıtseıler Vladımırdiń týystary men tanystaryn anyqtap, surastyrdy.
Sonymen qatar onyń osyǵan deıin talaı márte úıinen ketip qalǵany belgili boldy.
Іzdestirý sharalaryna Aqkól aýdandyq ІІB jeke quramy jəne krımınaldy polıtsııa qyzmetkerlerinen quralǵan arnaıy izdeý toby jumyldyryldy.
Nátıjesinde joǵalǵan jasósipirim Astanadan tabyldy. Sondaǵy qurylys kompanııasyna jumysshy bolyp ornalasqan. Qazirgi kezde ol aman-esen úıine qaıtaryldy», dep kórsetilgen habarlamada.
Eske sala keteıik, Aqmola oblysynda jyl basynan beri úıinen ketip qalǵan 16-17 jas aralyǵyndaǵy 14 jasósipirim otbasyna qaıtarylǵan.
