Aqmola oblysynda izdeýde júrgen 80-ge jýyq qylmysker ustaldy
KÓKShETAÝ. QazAqparat - Jyl basynan beri Aqmola oblysynda izdeýde júrgen 75-ten astam qylmysker ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
«Polıtsııanyń izdeýinde júrgen qylmyskerlerdiń kóbi aýyr jáne orta aýyr qylmys jasaǵandar. Olarǵa jasaǵan qylmysynyń deńgeıine saı tıisti jaza qoldanylady. Olardy ustap, tergeý organdary men sotqa jetkizilgenimen keıbirine eshqaıda ketpeý týraly qolhat sharasy qoldanylady. Al olardyń keıbiri qashyp, ústinen qaıtara izdeý jarııalanady» - deıdi vedomstvonyń baspasóz qyzmetindegiler.
Aıta keteıik, jaqynda tártip saqshylary bir táýliktiń ishinde úsh qylmyskerdi ustady. Onyń ishinde 2015 jyly alaıaqtyq jasaǵany úshin izdeýde júrgen 49 jastaǵy áıel Kókshetaýda ustaldy. Sol kúni Zerendi aýdandyq PB QR QK 188-baby (urlyq) boıynsha izdeýde júrgen 40 jastaǵy qylmysker Qostanaı qalasynda qolǵa tústi.
Sonymen qatar, mas kúıinde kólik júrgizgen úshin Tselınograd aýdanynyń tártip saqshylary izdep júrgen 26 jastaǵy qylmysker Nur-Sultan qalasynda ustaldy.
