Aqmola oblysynda izdeý jarııalanǵan úsh qylmysker ózge óńirde ustaldy
KÓKShETAÝ. QazAqparat- Aqmola oblysynda izdeý jarııalanǵan úsh qylmysker elimizdiń ár óńirinen ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qazannyń 27-sinde SQO Aıyrtaý aýdanynyń Zarıa kentinde 32 jastaǵy qylmysker áıel ustaldy. Oǵan qasaqana aýyr qylmys jasaǵany úshin Býrabaı aýdandyq soty izdeý jarııalaǵan. Taǵy bir qylmyskerdi tártip saqshylary Nur-Sultan qalasynda kóshede ketip bara jatqan jerinde qolǵa túsirdi. qylmysker Shortandy kentiniń turǵyny, 32 jastaǵy aqpan aıynda Qylmystyq kodekstiń 106 baby boıynsha 3 jylǵa sottalǵan.
Sonymen qatar, elordada 35 jastaǵy er adam ustaldy. Oǵan Arshaly aýdanynyń soty QR QK 345 babynyń 3 bóligi boıynsha jasaǵan qylmysy úshin izdeý jarııalaǵan.
«Kóbine quqyq qorǵaý organdarynan orta jáne shaǵyn qylmys jasaǵan adamdar qashady», - deıdi vedomstvodan.
Qazirgi kezde, ustalǵan úsh qylmysker de ýaqytsha ustaý oqshaýlaǵyshyna qamaldy.
