Aqmola oblysynda iz-túzsiz joǵalyp ketken 26 jastaǵy jigit izdestirilýde
KÓKShETAÝ. QazAqparat - Aqmola oblysynda iz-túzsiz joǵalyp ketken Býrabaı aýdanyndaǵy Qatarkól aýylynyń turǵyny 26 jastaǵy Nıkıta Voronov izdestirilýde, dep habarlaıdy «QazAqparat» HAA tilshisi ІІD baspasóz qyzmetine silteme jasap.
«Nıkıta Aleksandrovıch Voronovtyń joǵalǵany týraly aqparat Býrabaı aýdandyq ІІB-ge 6 aqpanda túsken. Ápkesiniń sózine qaraǵanda, Nıkıta 2017 jyldyń 26 qańtarynda úıinen shyǵyp, Kókshetaýǵa ketken.
Keıin polıtseıler anyqtaǵandaı, Nıkıta sol kúni Kókshetaýdaǵy aǵasynyń úıinde bolyp, kelesi kúni Reseıge attanǵan. Ol jaqta eki kún bolyp, qańtardyń 29-ynda elge oralǵan. Sodan beri esh habarsyz, qaıda júreni belgisiz.
Nıkıta Aleksandrovıch Voronovtyń boıy 175-180 santımetr shamasynda. Dene bitimi: aryqsha kelgen, shashy qara, beti sopaqsha kelgen, qoı kózdi, tik muryndy, qalyń erindi. On qolynyń bileginde núktege uqsas tatýırovka bar. Ústine sur tústi qysqy kúrte, sur jolaǵy bar qara tústi bas kıim, kók tústi djınsy jáne qara tústi qysqy krossovka kıgen.
Sonymen qatar, Nıkıta Voronovtyń psıhıkalyq aýytqýy bar ekeni anyqtalyp otyr. «Ony kórgen nemese júrgen jerin biletin azamattar bolsa, «102» telefon nómiri arqyly habarlassyn» delingen habarlamada.
