Aqmola oblysynda iz-túzsiz joǵalǵan jasóspirim izdestirilýde
Şýche qalasynda 2007 jyly týǵan Rýslan Turlybekuly Zarýbın 7 qańtarda túngi saǵat 02:20 shamasynda úıinen shyǵyp ketip, qaıtyp oralmaǵan. 8 qańtarda anasy Býrabaı aýdandyq PB ótinishpen júginen.
Áıeldiń sózinshe, uly qarǵa kóligi batyp qalǵan dosyna kómektespekshi bolyp, úıden shyǵyp ketken. Uly birneshe ret telefon soǵyp, jaqyn arada úıine keletinin aıtqan, alaıda keıin uıaly telefony óship qalǵan.
«Jasóspirimniń ornalasqan jerin anyqtaý maqsatynda polıtsııa qyzmetkerleri izdestirý is-sharalaryn qolǵa alyp, kolledjderdiń jataqhanalary, qonaq úılerdi tekserdi, kámeletke tolmaǵannyń tanystary men dostarynan surastyrdy. Joǵalǵan jasóspirimdi izdeýge PD bólimsheleri, Býrabaı aýdandyq PB, patrýldik polıtsııa bólimsheleri, Býrabaı kýrortyndaǵy jelilik polıtsııa bólimsheleri, jurtshylyq jáne ózge de kúshter baǵyttaldy», - dedi vedomstvodan.
Osy rette, tártip saqshylary joǵalǵan adamdy kórgen jáne júrgen jerin biletin adamdar bolsa, 102 arnaıy jelisine qońyraý shalýyn suraıdy.
Jasóspirimniń boıy shamamen 155-160 sm, kók kózdi.
Ústinen toqylǵan sur tústi shápki, qara jáne kók tústi kýrtka, qara tústi sporttyq shalbar, qońyr krossovka, ózimen birge altyn tústi korpýsta LG markaly uıaly telefon bolǵan.
