Aqmola oblysynda iz-túzsiz joǵalǵan múmkindigi shekteýli er adam izdestirilýde
KÓKShETAÝ. QazAqparat – Aqmola oblysynda iz-túzsiz joǵalǵan múmkindigi shekteýli 34 jastaǵy er adam izdestirilýde, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 11-shi qańtar kúni saǵat 12:00-de Bulandy aýdandyq PB kezekshi bólimine Makınsk qalasynyń 45 jastaǵy turǵyny habarlasyp, 34 jastaǵy inisi Nurlan Esmaǵambetovti izdeýge kómek surady.
Onyń aıtýynsha, inisi 8 qańtarda saǵat 17:00 shamasynda úıinen shyǵyp, aǵasyna attanǵan. Keıin qaıtyp úıine oralmaǵan.
«Belgili bolǵandaı, joǵalǵan er adam buǵan deıin birneshe ret úıden ketip qalǵan. Ol ekinshi toptaǵy múgedek. Sońǵy ret 2018 jyldyń 10 aqpany men 17 naýryzy aralyǵynda oblystyq psıhonevrologııalyq dıspanserinde em qabyldaǵan. Aýrýhanadan shyqqannan soń birden Nur-Sultan qalasynyń «Adal nıet» jeke qaıyrymdylyq qoryna rásimdelip, onda 2020 jyldyń 30 jeltoqsanyna deıin boldy. Sodan keıin ápkesiniń janynda boldy»,-dedi vedomstvodan.
Joǵalǵan adamnyń erekshe belgileri: Aqsańdap júredi, boıy 155-160 sm, dene bitimi juqa kelgen, shashy qysqa. Ústine qara kýrtka, qara bas kıim, qara etik jáne shalbar kıgen.
«Joǵalǵan adamdy kórgen jáne júrgen jerin biletin adamdar bolsa, birden quqyq qorǵaý organdaryna habarlaýdy suraımyz»,-dedi vedomstvodan.
