Aqmola oblysynda iz-túzsiz joǵalǵan 50 jastaǵy er adam izdestirilýde
KÓKShETAÝ. QazAqparat - Aqmola oblysynda 14 kúnnen beri 50 jastaǵy er adam izdestirilýde, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 2020 jylǵy sáýirdiń 27-de Zerendi aýdandyq polıtsııa bóliminiń kezekshilik bólimine jergilikti turǵyn - 56 jastaǵy áıel habarlasyp, 50 jastaǵy inisi Saılaý Serikuly Bekishevtiń joǵalyp ketkenin aıtyp, ony izdep tabýǵa kómek suraǵan.
Áıeldiń sózinshe, inisi sáýirdiń 1-de Zerendi aýdanynyń Jylymdy aýylynan Aıdabol aýylyna attanǵan, baılanysqa sońǵy ret sáýirdiń 14-de ǵana shyǵypty.
«Joǵalǵan kúni er adam qara tústi pýhovık, qara kók tústi bas kıim, qara shalbar, qara etik kıgen. Boıy 175-180 sm, dene bitimi aryqsha, kózderi qońyr, qulaqtary qalqıǵan, beti tikburyshty keledi, qus muryn, erinderi ortasha, qıǵash qasty», - deıdi vedomstvodan.
Qazirgi kezde, polıtsııa qyzmetkerleri joǵalǵan adamnyń týystary men tanystaryn, kórshileri jáne joǵalǵan kúni eń sońǵy ret kórgen kýágerlerdi anyqtap, surady.
Sonymen birge, arnaıy jumys toby Aqmola oblysy aýmaǵynda izdestirý sharalaryn júrgizýde.
Tártip saqyshlary Saılaý Bekishevti kórgen nemese júrgen mekenjaıyn biletin adamdar bolsa, quqyq qorǵaý organdaryna habarlasýdy suraıdy.
