Aqmola oblysynda iz-túzsiz joǵalǵan 42 jastaǵy áıel izdestirilýde
Oblystyq PD baspasóz qyzmetiniń málimetinshe, mamyrdyń 30-ynda Kókshetaý qalalyq polıtsııa basqarmasyna Krasnoıar kentiniń turǵyny ótinishpen júginip, 1980 jylǵy ápkesin izdep tabýǵa kómek surady. Áıeldiń sózinshe, ápkesi 2022 jyldyń 25 mamyrynda tańǵy saǵat 08:30 shamasynda úıden shyǵyp, sodan qaıtyp oralmaǵan.
«Anyqtalǵandaı, Krasnoıar kentiniń 42 jastaǵy turǵyny úıinen Kókshetaý qalasyna jumysqa ornalasý úshin ketken. Onyń ózimen birge, qolynda telefony da bolmaǵan. Ony izdeýge Kókshetaý qalalyq polıtsııa departamenti men basqarmasynyń jeke quramy baǵdarlandy. Ýálıhanov, Bolashaq, Krasnoıarskaıa, Tselınnaıa, Shkolnaıa tárizdi kóshelerdiń mekenjaılary tekserildi. Joǵalǵan áıeldiń tanystarynyń sheńberi, sondaı-aq beınebaqylaý kameralarynyń jazbalary zertteldi. Іzdestirý sharalaryna eriktilerde tartyldy», - dedi vedomstvodan.
Joǵalǵan adam ústine qara tústi kúrte, shalbar, aıaǵyna krossovka kıgen.
Aıta ketsek, Aqmola oblysynda 47 jastaǵy naýqas er adam izdestirilýde.
