Aqmola oblysynda iz-túzsiz joǵalǵan 20 jastaǵy qyz izdestirilýde
KÓKShETAÝ. QazAqparat – Aqmola oblysynda iz-túzsiz joǵalǵan 20 jastaǵy qyzǵa izdeý jarııalandy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvo málimetinshe, búgin, 28 qyrkúıek kúni Kókshetaý qalalyq polıtsııa basqarmasyna 51 jastaǵy jergilikti turǵyn habarlasyp, 20 jastaǵy qyzy Aısholpan Maratqyzy Syzdyqovany izdeýge kómek surady. Ákesiniń sózinshe, qyzy keshe saǵat 15:00-de úıinen shyǵyp, qaıtyp oralmaǵan.
«Jedel izdestirý sharasyna Polıtsııa departamentiniń jeke quramy tartyldy. Polıtsııa qyzmetkerleri úı-úıdi aralap, tekserýde. Týystary men tanystary, dostary, kórshileri jáne áriptesterinen túsinikteme alyndy. Sonymen birge, Kókshetaý qalasynyń kóshelerindegi beınebaqylaý kameralary tekserilýde», - deıdi vedomstvodan.
Aısholpan ústine qyzǵylt tústi sporttyq kostıým, qara shalbar, qara krossovka kıgen. Boıy 1,65-1,66 sm. Dene bitimi ortasha, shashy uzyn, qara tústi. Kózi qara. Qolynda kúıiktiń izderi bar.
