Aqmola oblysynda iz-túzsiz ketken 26 jastaǵy áıel izdestirilip jatyr
KÓKShETAÝ. QazAqparat - Aqmola oblysynyń polıtseıleri iz-túzsiz joǵalǵan 26 jastaǵy áıelge izdeý jarııalady, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, bıylǵy jylǵy qańtardyń 3-de Kókshetaý qalalyq polıtsııa basqarmasynyń kezekshi bólimine oblys ortalyǵynyń turǵyny júginip, 11.07.1995 jyly týǵan jıeni Aıda Áskerbekqyzy Taýtekovany izdeýge kómek surady.
Joǵalǵan adam qańtardyń 3-de saǵat 15:00 kezinde úıinen shyǵyp, qaıtyp orlamaǵan.
Aıdanyń boıy - 165-170 sm, dene bitimi - tyǵyz, shashy - uzyn, qońyr.
Ústine qara pehora, qara etik, sharf pen bas kıim kıgen. Ózimen birge qara tústi bylǵary sómke, uıaly telefon alyp júrgen.
«Joǵalǵan adamdy izdeýge PB jeke quramy men kúshteri baǵyttaldy. Olar adamdar kóp jınalatyn oryndarda, saýda úıleri men bazarlardy, qonaq úılerdi, qaraýsyz qalǵan qurylystardyń aýmaǵyn súzip shyqty», - dedi vedomstvodan.
Oschy rette, tártip saqshylary joǵalǵan adamnyń júrgen jeri týraly qandaı da bir aqparatqa ıe adamdar bolsa, Aqmola oblysy PD krımınaldy polıtsııa basqarmasyna 8(7162) 29-93-72, 8-707-255-59-35 nemese «102» telefondary boıynsha dereý habarlaýdy suraıdy.
