Aqmola oblysynda iri jol apatynan bir azamat pen onyń eki balasy opat boldy
ASTANA. 1 tamyz. QazAqparat - Astana-Ereımentaý-Shiderti tas jolynyń 71-shi shaqyrymynda jeksenbi kúni iri jol apaty oryn alyp, oqıǵa saldarynan úsh adam qaza boldy, olardyń ekeýi 6 jáne 12 jastaǵy balalar.
Bul týraly Aqmola oblysy ІІD baspasóz qyzmetinen habarlady.
««Mitsubishi -Outlander» jeńil kóligine mingen 29 jastaǵy elordalyq kelinshek rýlge ıe bola almaı, joldyń qarsy betine shyǵyp ketip, bir otbasynyń tórt adamy mingen «Mazda 626» kóligimen soqtyǵysty», - dep habarlady departamentten.
Apat saldarynan oqıǵa ornynda «Mazda 626» kóliginiń jolaýshylary - 38 jastaǵy otaǵasy men onyń eki balasy kóz jumdy. Balalardyń anasy - 35 jastaǵy áıel Astanadaǵy Respýblıkalyq jedel medıtsınalyq járdem ortalyǵyna jetkizildi.
«Ekinshi kóliktiń júrgizýshisi men bir jolaýshysy da aýrýhanaǵa jetkizildi», - dep habarlady departamentten.
