Aqmola oblysynda ınvestıtsııalyq park qurylýy múmkin
KÓKShETAÝ. QazAqparat - Aqmola oblysynyń ákimi Málik Myrzalın men Dubai Investments Park basshylyǵy óńirde ınvestıtsııalyq park qurý máselesin talqylady. Bul týraly aımaq basshysynyń keńesshisi Marat Iǵalı Feısbýktegi paraqshasynda jarııalady, dep habarlaıdy QazAqparat tilshisi.
"Dubai Investments Park aýmaǵy adamdar turatyn, ónerkásiptik jáne qoıma nysandary bar, 2 300 gektardy quraıdy. Bul jerdiń 95 paıyzǵa jýyǵy jalǵa alýshylardyń ıeliginde, olar EXPO-2020 halyqaralyq kórmesi ótkiziletin aýmaqqa kórshi ornalasqandyqtan mol tabys kenelýdi josparlap otyr. Bul ındýstrıaldy parkte 550 gektar jerdi ónerkásip jáne saýda, ınfraqurylymdyq saladaǵy kásiporyndardy ornalastyrýǵa arnalǵan daıyn jáne qolaıly bólmeler alyp jatyr.
Dýbaıda salyq tóleýdiń joqtyǵy bıznestiń damýyna on yqpal etýde. Sol sebepti, kásipkerler EXPO-2020 kórmesi kezinde paıdasy tıetin keńse, qoıma jáne ónerkásiptik nysandardyń qajettigin osy bastan oılastyryp qoıǵan", - dep túsindirdi M. Iǵalı.
Sonymen qatar, aımaq basshysynyń keńesshisi Dubai Investments Park menshiginde ónerkásiptik jáne kommertsııalyq nysandardan basqa turǵyn jaı kvartaldary bar ekenin atap ótti. Osy saıabaq aýmaǵynda 12 myńnan astam turǵyn jaıda 90 myń adam turady. Ár adam óziniń kompanııasy úshin keńseni osy mańnan tabýyna bolady. Dubai Investments Park aýmaǵyndaǵy 1,8 mıllıon sharshy metr keńes ǵımarattaryn salý úshin bólingen. Oǵan qosa, bul jerde Dýbaıda óz isin ashý nemese keńeıtýge nıetti bıznesmender men ınvestorlar úshin 5 otel ornalasqan.
