Aqmola oblysynda ınklıýzıvti teatrlar festıvali ótedi
Osydan alty jyl buryn Aqmola oblystyq orys drama teatry «Bizge birdeı bolý mindetti emes» ınklıýzıvti jobasyn bastady.
«Bastapqyda bizde tserebraldy sal aýrýy bar múmkindigi shekteýli balalarǵa arnalǵan teatr úıirmesi boldy. Bul joba sátti ótti, biz olarmen birge eki spektakl shyǵardyq – «Kolobok» jáne «Teremok». Sol kezde biz balalardyń ózderin ǵana emes, olardyń ata-analaryn da qýantqan edik», - dep bólisti B.Baqtygereev.
Kóp uzamaı «Bizge birdeı bolý mindetti emes» jobasy aıasynda jańa – «Júrekten estý syıy» jobasy paıda boldy. Onyń arqasynda rejısser Tımýr Valıev teatrda ekinshi jyl sahnalanyp kele jatqan «Mý-Mý» spektaklin qoıdy. Qoıylymǵa estý qabileti nashar aktrısa qatysady. Osy kúni joba «Qasqyr men jeti bala» mýzykalyq ertegisinde jalǵasyn taýyp otyr. Onyń kórsetilimi 20 jeltoqsanda Aqmola oblystyq orys drama teatrynda ótedi.
«Qoıylymdy 15-18 jas aralyǵyndaǵy múmkindigi shekteýli balalardyń eresekter tobyna arnalǵan teatr úıirmesi júzege asyrady. Osyndaı balalarmen jumys tájirıbesi bar Tımýr Valıev pen Anna Bronnıkova balalarmen jumys isteıdi. Aıtpaqshy, «Mý-Mý» qoıylymyn Tımýr Valıev te júzege asyrǵan, sol kezde bizdiń akterlermen ymdaý tiliniń mamany arnaıy jumys istegen», - dep tolyqtyrdy B.Baqtygereev.
Teatr dırektorynyń aıtýynsha, daıyndyqtar óte qyzyqty ótýde. Bir jaǵynan balalar qarapaıym ómirge jáne qalypty qarym-qatynasqa úırense, pedagogter shydamdylyqtaryn shyńdaı túsýde.
«Elimizde ınklıýzıvti teatrlar paıda bolǵany qýantady. Aıta keteıik, kelesi jyly Kókshetaýda ınklıýzıvti teatrlardyń halyqaralyq festıvalin ótkizýdi josparlap otyrmyz. Qazirgi ýaqytta Vahtangov festıvali bizdi osyǵan jeteleıdi. Bul «Qazaqstan – Reseı» birlesken jobasy bolmaq. Osy festıvalge kókshetaýlyqtardy barynsha tartýdy josparlap otyrmyz. Qonaqtardy kókshetaýlyqtardyń otbasylaryna, jalpy bilim beretin mektepterge, ýnıversıtetterge shaqyramyz. ıAǵnı, festıvalge teatr ǵana emes, búkil qoǵamymyz qatysatyn bolady. Qonaqtar qoǵamdyq oryndarǵa barady, jáne biz olardyń dál biz sııaqty ekenin dáleldeýimiz kerek. Men óz basym «ınklıýzıvti», «shekteýli» degen sózderdi aıtqym kelmeıdi. Óıtkeni, olar biz sııaqty qarapaıym adamdar, sondyqtan olarǵa teń qaraý kerek», - dep túıindedi dırektor.
