Aqmola oblysynda ıis tıgen 82 jastaǵy keıýana qutqaryldy
KÓKShETAÝ. QazAqparat - Aqmola oblysynda ýchaskelik ınspektor ıis tıgen 82 jastaǵy keıýananyń ómirine arasha tústi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, oqıǵa 2 qańtarda Jaqsy aýdanynyń Kıevskoe aýylynda bolǵan.
«Aýyl turǵyny polıtsııaǵa habarlasyp, kórshi turǵan ekipáterli turǵyn úıden tútinniń ıisi shyǵyp turǵanyn aıtty. Oqıǵa ornyna jetken Jaqsy aýdandyq PB ýchaskelik ınspektory aǵa leıtenant Azamat Ábdýahıtov úı ishinde 82 jastaǵy qarııanyń baryn anyqtady. Tútinniń ıisine ýlanǵan keıýananyń ózdiginen qozǵalýǵa murshasy bolmaǵan. Sondyqtan, tártip saqshysy qarııany kóterip syrtqa shyǵaryp, kóligine otyrǵyzdy. Medıtsına qyzmetkerlerin shaqyrtyp, qarııany tanysynyń úıine jetkizdi. Keıin arnaıy qyzmet mamandary kelgenshe qarııanyń kórshisimen birlesip, órtti sóndirdi»,- deıdi PD baspasóz qyzmetindegiler.
