Aqmola oblysynda HQKO jumysyndaǵy jemqorlyq máseleleri talqylandy

KÓKShETAÝ. QazAqparat - Aqmola oblysy boıynsha jemqorlyq alǵysharttaryn joıý boıynsha jıyn ótti, dep habarlaıdy QazAqparat tilshisi.
None
None

Jıynǵa Sybaılas jemqorlyqqa qarsy is-qımyl departamenti basshylary men «Azamattarǵa arnalǵan úkimet» memlekettik korporatsııasy» KE AQ oblystyq fılıaly ókilderi qatysty.

Aqmola oblysy boıynsha Sybaılas jemqorlyqqa qarsy is-qımyl departamentiniń málimetinshe, aýdandyq mamandandyrylǵan Halyqqa qyzmet kórsetý ortalyǵy birindegi laýazymdy tulǵalaryna qatysty QR Qylmystyq-protsestik kodeksiniń 200-baby negizinde is qozǵalǵan.

«Qylmystyq statıstıka kórsetkendeı, 2018 jyldan bastap oblystyq Antıkor «Azamattarǵa arnalǵan úkimet» KE AQ fılıaly men onyń bólimsheleriniń qyzmetkerlerine qatysty 17 qylmystyq isti tirkedi», - dedi vedomstvodan.

Qaıta quqyq buzýshylyqtarǵa jol bermeý maqsatynda óńirdiń Sybaılas jemqorlyqqa qarsy vedomstvosy JQE bilý emtıhandaryn tapsyrý kezinde baqylaýdy kúsheıtýdi, barlyq qurylymdyq bólimshelerdiń testileý kabınetteriniń tekserý is-sharalaryn uıymdastyrýdy, baǵynyshty qyzmetkerlerdiń jumysyna tıisti baqylaýdy qamtamasyz etýdi usyndy.

«Kezdesý barysynda qatysýshylarǵa sybaılas jemqorlyqqa qarsy is-qımyl máseleleri boıynsha zańnamadaǵy sońǵy ózgerister túsindirildi. Atap aıtqanda, kvazımemlekettik sektor uıymdarynda sybaılas jemqorlyqqa qarsy komplaens-qyzmetter ınstıtýty quryldy, sybaılas jemqorlyq úshin sottalǵan adamdardy kez kelgen kvazımemlekettik sektor laýazymyna qabyldaýǵa tolyq tyıym salyndy», - dep tolyqtyrdy vedomstvodan.

Departament basshylyǵy memlekettik qyzmetterdiń sapasyn qamtamasyz etý sybaılas jemqorlyqqa qarsy strategııanyń maqsattarynyń biri bolyp tabylatynyn atap ótti. Osy rette, fılıal basshylyǵy qyzmetkerlerdiń memlekettik qyzmet kórsetý salasyndaǵy zańnama normalaryn saqtaýyn baqylaýdy qatańdatý, sondaı-aq mamandandyrylǵan HQKO qyzmetiniń aıqyndyǵy men ashyqtyǵyn arttyrý qajet.


Сейчас читают