Aqmola oblysynda halyqaralyq jaıdarman festıvali ótti
KÓKShETAÝ. QazAqparat - Kókshetaýda ótken Halyqaralyq KVN festıvalinde Aqmola oblysynyń kýbogy sarapqa salyndy. Oǵan óńirdiń komandalary, sondaı-aq Petropavl, Temirtaý, Qostanaı jáne Omby (RF) qalalarynan kelgen qonaqtar qatysty, dep habarlaıdy «QazAqparat» HAA tilshisi.
Óner dodasynda bas júldeni Aqmola oblysynyń «Agrofakı» KVN quramasy jeńip alsa, 1-oryndy «Vasabı» Kókshetaý jastar komandasy, ekinshi oryndy - petropavldyq «7UP» komandasy ıelendi. Jaqsy aýdanynyń mektep quramasy festıvaldiń qola júldegeri atandy.
Festıvaldiń úzdik akteri bolyp Arnur Qurbanáli (kókshetaýlyq «Jýrtıkı» táýelsiz komandasy), úzdik aktrısa retinde Darına Júrjanova (Qostanaı qalasynyń «Sbornaıa Avtodor» komandasy) tanyldy.
Keshti qazaqstandyq KVN oıynshysy («Kazahı» jáne «Astana kz» komandasy) ıAroslav Melehın júrgizdi.
