Aqmola oblysynda halyqaralyq izdeýde júrgen Tájikstan azamaty ustaldy
KÓKShETAÝ. QazAqparat - Aqmola oblysynda halyqaralyq izdeýde júrgen Tájikstan Respýblıkasynyń azamaty qolǵa tústi, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń deregi boıynsha aǵymdaǵy jyldyń 22 mamyrynda oblys aýmaǵynda júrgizilgen «Zańsyz kelýshi-2017» jedel aldyn alý sharasy barysynda Tselınograd aýdanynyń ІІB kóshi-qon polıtsııasynyń qyzmetkerleri Aqmol aýylynda 29 jastaǵy Tájikstan Respýblıkasynyń azamatyn ustaǵan. Tekseris barysynda sheteldikti Reseı Federatsııasy aýmaǵynda RF QK 116-babynyń 2-bólimi boıynsha (buzaqylyq) qylmys jasaǵany úshin Ońtústik Sahalın qalasynyń ІІM basqarmasy halyqaralyq izdeýge bergeni anyqtaldy.
Eske sala keteıik, «Zańsyz kelýshi-2017» jedel aldyn alý sharasynyń alǵashqy kúni 486 sheteldik kóshi-qon zańnamasyn buzǵany úshin ákimshilik jaýapkershilikke tartylsa, 196 sheteldiktiń kelý merzimi qysqartyldy. Qazaqstan aýmaǵyna kelý erejesin buzǵany úshin 427 sheteldik ákimshilik jaýapkershilikke tartyldy. Oǵan qosa, QR aýmaǵynan sheteldikterdi shyǵaryp jiberý jóninde 30 sot aktisi qabyldandy.
