Aqmola oblysynda halyqaralyq izdeýde júrgen qylmysker qolǵa tústi
KÓKShETAÝ. QazAqparat - Aqmola oblysynda halyqaralyq izdeýde júrgen qylmysker qolǵa tústi, dep habarlaıdy «QazAqparat» HAA tilshisi ІІD-niń baspasóz qyzmetine silteme jasap.
Polıtseılerdiń málimeti boıynsha Tselınograd aýdanynyń Ótemis aýylynda jergilikti polıtsııa qyzmetkerleri 44 jastaǵy adamdy ustady.
«Qujattaryn tekserý barysynda kúdiktiniń Armenııa Respýblıkasy QK 177-babynyń 2-bólimi boıynsha isti bolyp, halyqaralyq izdeýde júrgen azamat ekeni anyqtaldy.
Qazirgi kezde, kúdikti qamaýǵa alyndy. Tselınograd aýdandyq ІІB qyzmetkerleri atalǵan is boıynsha qujattardy jınastyryp, Erevan qalasynyń Shengavıtsk polıtsııa basqarmasynyń bólimine joldaıtyn bolady», dep kórsetilgen habarlamada.
