Aqmola oblysynda habar-osharsyz ketken er adam izdestirilýde
KÓKShETAÝ. QazAqparat - Aqmola oblysynda habar-osharsyz ketken 61 jastaǵy er adam izdestirilýde, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, bıylǵy jylǵy 30 maýsymda Kókshetaý qalalyq polıtsııa basqarmasynyń kezekshilik bólimine 31 jastaǵy qala turǵyny habarlasyp, 1960 jyly týǵan ákesi Bolatbek Qorǵanbekuly Battalovty izdep tabýǵa kómek suraǵan.
Ulynyń aıtýynsha, ákesiniń boıy 165-170 sm, dene bitimi ortasha, shashy qysqa, kózi qońyr, murtty. Ústine qara trıko, sur jıde, sur qalpaq, aıaǵyna qara tústi aıaq kıim kıgen. Er adam umytshaq aýyrýymen aýyrady.
Qazirgi ýaqytta polıtsııa qyzmetkerleri joǵalǵan adamnyń ornalasqan jerin anyqtaýǵa baǵyttalǵan jedel-izdestirý sharalaryn júrgizýde. Polıtsııa qyzmetkerleri kez kelgen joǵalǵan er adamǵa qatysty qandaı da bir málimeti bar adamdarǵa «102» arnaıy jelisine qońyraý shalýdy suraıdy.
