Aqmola oblysynda habar-osharsyz ketken 15 jasar qyz tabyldy
KÓKShETAÝ. QazAqparat - Aqmola oblysynda iz-túzsiz joǵalǵan 15 jasar qyz tabyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Býrabaı aýdandyq PB kezekshi bólimine Vedenovka aýylynyń 47 jastaǵy turǵyny habarlasyp, 20 qyrkúıekten beri iz-túzsiz joǵalǵan qyzy Aıagóz Saǵyndyqqyzy Qapezovany izdep tabýǵa kómek suraǵan.
Onyń aıtýynsha, 15 jasar qyzy belgisiz baǵytta ketip qalǵan.
Al 22 qyrkúıek kúni keshki 21.30 shamasynda jedel izdestirý kezinde joǵalǵan jasóspirim tabyldy.
«Qazirgi ýaqytta boıjetken ata-anasyna tapsyrylǵan. Oǵan qatysty qandaı da bir zańǵa qaıshy áreket jasalǵan-jasalmaǵanyn tekserip jatyrmyz» dep málim etti polıtsııa departamentiniń baspasóz qyzmeti.
Eske sala keteıik, jasóspirimdi tabý úshin B ýrabaı aýdandyq polıtsııa bóliminiń jeke quramy, sondaı-aq qoǵam ókilderi jumyldyryldy . Jasóspiriminiń týystary, dostary, synyptastary, dostary, taksı júrgizýshileri, kórshilerinen suraldy.
Keıinnen 15 jasar qyzben áleýmettik jelide tanysqan 24 jastaǵy jigit týraly málimet belgili boldy. Olar Aıagóz joǵalǵan kúni kezdesemiz dep ýaǵdalasqan.
